مسلم لیگ (ن) کے سینئر رہنما خواجہ سعد رفیق نے کہا ہے کہ پاکستان کے مجبور کی آواز سننا پڑے گی، مسائل حل کرنا پڑیں گے۔
لاہور میں یوم اقبال سے متعلق تقریب سے خطاب میں خواجہ سعد رفیق نے کہا کہ علامہ اقبال کی بات کریں تو پھر عام آدمی کی بات کرنی پڑے گی اور پھر اس کا فیصلہ بھی ماننا پڑے گا۔
انہوں نے کہا کہ ملک میں کشمکش، دہشت گردی اور تناؤ ہے، ہم منافقت اور ڈپلومیسی سے کام لیتے ہیں۔
ن لیگی رہنما نے مزید کہا کہ سوال کریں، سچ کو سچ اور غلط کو غلط کہیں، پاکستان کے مجبور کی آواز سننا پڑے گی اور مسائل حل کرنا پڑیں گے۔
