انطالیہ ترکیہ میں کوپ 31 کانفرنس کے موقع پر وزیراعظم محمد شہباز شریف کی عالمی رہنماؤں سے غیر رسمی ملاقاتیں ہوئیں۔ وزیراعظم کی سعودی وزیر توانائی شہزادہ عبد العزیز بن سلمان سے بھی ملاقات ہوئی۔
شہباز شریف کی بنگلادیشی وزیراعظم طارق رحمان، اسلامی کانفرنس کی تنظیم (او آئی سی) کے سیکریٹری جنرل اسماعیل اولد شیخ احمد اور فلسطین کے وزیراعظم محمد مصطفیٰ سے بھی ملاقاتیں ہوئیں۔
وزیراعظم نے فلسطینی عوام کیساتھ حکومت اور پاکستانی عوام کی جانب سے یکجہتی کا اظہار کیا۔ اس موقع پر فلسطینی وزیراعظم نے فلسطینی موقف کی تائید پر حکومت اور پاکستان کے عوام کا شکریہ ادا کیا۔
وزیراعظم نے خاتون اول ترکیہ امینہ اردوان، شام کے صدر احمد الشرع اور سعودی وزیر مملکت برائے خارجہ امور عادل بن احمد الجبیر سے بھی ملاقاتیں کیں۔
جبکہ وزیراعظم کی ورلڈ بینک کے صدر اجے بنگا سے بھی ملاقات ہوئی۔ ان ملاقاتوں میں وزیراعظم شہباز شریف اور عالمی رہنماؤں نے دوطرفہ تعلقات پر گفتگو کی۔
ملاقاتوں میں وزیراعظم نے خطے کی صورتحال اور موسمیاتی تبدیلی سے زیادہ متاثرہ ممالک کی مشکلات پر بھی گفتگو کی۔
