سعودی دارالحکومت ریاض میں ممکنہ خطرے کے پیش نظر ہنگامی الرٹ جاری کیا گیا۔
خبر ایجنسی کے مطابق سعودی شہری دفاع نے کچھ ہی دیر بعد ایک اور الرٹ جاری کرتے ہوئے اعلان کیا کہ خطرہ ٹل چکا ہے۔
واضح رہے کہ گزشتہ روز سعودی اتحادی فوج نے دعویٰ کیا تھا کہ ریاض کی جانب داغے گئے 2 بیلسٹک میزائلز کو فضا ہی میں تباہ کر دیا گیا، ریاض اور جنوبی علاقوں کی جانب آنے والے 2 کروز میزائل بھی روک لیے گئے۔
میزائلز کے ٹکڑے گرنے سے ریاض کے مالیاتی مرکز میں سعودی تیل کمپنی آرامکو کی ایک عمارت کو معمولی نقصان پہنچا تھا تاہم کوئی جانی نقصان نہیں ہوا۔
