ڈپٹی کمشنر ہری پور وسیم احمد کا کہنا ہے کہ تربیلا ڈیم میں ٹی 5 پاور پروجیکٹ ان ٹیک میں گارڈر گرنے سے حفاظتی بند کا حصہ ٹوٹ گیا۔
ڈی سی ہری پور نے کہا کہ ٹی فائیو کے بند کا حصہ ٹوٹنے سے ٹنل فائیو میں پانی بھر رہا ہے، ٹی فائیو پروجیکٹ میں کام کرنے والے تمام غیرملکی اور پاکستانی ورکرز کو بحفاظت نکال لیا گیا۔
انہوں نے کہا کہ ٹی فائیو ٹنل میں پانی بھرنے سے ایک مقامی ورکر ڈوبا جسے مقامی افراد نے بحفاظت نکال لیا۔
ذرائع کا کہنا ہے کہ تربیلا ڈیم ٹی فائیو پروجیکٹ میں کام غیرمعینہ مدت تک بند کردیا گیا ہے۔
